புரட்சி நாத்தீகன்!

நண்பர் ஒருவர் சொன்னது இது!

கருப்பு டி ஷர்ட்டில் வந்த அந்த இளவட்டத்தைப்பார்த்து (சுமார் இருபது இருபத்தி இரண்டு வயதிருக்கும்) நண்பர் கேட்கிறார்: தம்பி யாரோட படங்க அது உங்க சட்டையில?

- இவர தெரியாதா ???

- பார்த்திருக்கிறேன், ஆனா ஞாபகம் வரவில்லை!

- இவருதான் சார் சே-குவேரா!

- யாராவது ஆங்கில பாப் பாடகரா??

- என்ன சார் இப்படி சொல்லுறீங்க, இவருதான் சார் பெரிய புரட்சியாளர்!

- ஹோ ஹோ, அப்படியா! நம்ம ஊரு ஆளு மாதிரி தெரியலையே, ஒரு வேளை இங்கே வந்து செட்டில் ஆன ஒருத்தரா? தொலைக்காட்சியில பார்த்ததாகவும் ஞாபகம் இல்லை! ஒரு வேளை ஏதாவது மத சம்பந்தமான மனிதரா, அதுவும் பெரிய தாடி மீசை எல்லாம் வச்சிருக்காரு.....

கடுப்பான இளைஞர் "சார், இவரு பெரிய சோசலிச வாதி, புரட்சியாளர், உலகத்தில் பலருக்கு இவரு "inspiration"................

-ஆ, இப்போ ஞாபகம் வருது தம்பி.... இந்த கியூபா நாட்டில் ...இவரு கூட கம்யூனிச புரட்சி எல்லாம் செய்து, அதான் இப்போ அந்த வயதானவர் .......

- சார் நீங்க சொல்லுறது பிடேல் காஸ்ட்ரோ, அவரு கியூபா தேசத்து புரட்சியாளர்.............

- எல்லாம் ஒரே மாதிரி இருக்காங்க தம்பி, அத விடுங்க, அவரு என்ன புரட்சி செய்து மக்களுக்கு என்ன நன்மை செய்தாரு.... ஏன் கேட்கிறேன் என்றால், இந்த கியூபா நாடு அகல பாதாளத்துல இருக்காம், புரட்சி புரட்சி என்று சொல்லி ஒரு ஆளே பல காலம் ஆண்டுகிட்டிருக்காராம்... யாரும் கேட்கவே முடியாதாம். அதான் ஒருவேள அந்த மாதிரி புரட்சி ஏதாவது சே-குவேரா அவர்கள் செய்தாரான்னு புரிஞ்சிக்கதான்!!

மறுபடியும் கடுப்பான இளைஞர் "இதோ பாருங்க சார், உங்களுக்கு இதெல்லாம் புரியாது, மக்கள் பட்டினியிலும் பசியிலையும் சாவுற பொழுது அதை தடுத்து நிறுத்தத்தான் புரட்சி மற்றும் சே-குவேரா போன்ற மா வீரர்கள் வேண்டும்.....

மேலும் பல வார்த்தைகள் வந்து விழுந்தன அந்த இந்த இளைஞரின் வாயிலிருந்து! அதோடு நிற்காமல் கோபமாக ஏதோ சொல்ல எத்தனித்து, தன்னை சுற்றிய உலகம் எவ்வளவு மோசம் பார், இதற்க்கு மருந்து கண்டுபிடித்தாகிவிட்டது என்று சொல்ல ஆசைப்பட்டு, உணர்ச்சி வசப்பட்டு வார்த்தைகள் வராமல் தவித்தான்!

இதை பார்த்த நண்பர் தம்பி வரலாறு படித்திருக்கிறீர்களா என்றார்?

அதற்க்கு அந்த இளம் புரட்சியாளர் சொன்னார், வரலாறு படிக்க தேவை இல்லை, நாங்கள் அதை அமைக்க வந்திருக்கிறோம்!!

- எப்படி சொல்லுங்களேன்?

- அது போகப்போக தெரியும்..

- போக போகதான் தெரிந்து கொண்டுமே, கம்யூனிச நாடுகளுக்கு நேர்ந்த கதியை!
இப்படி சொன்னவுடன், நண்பர் தன்னை கிண்டல் அடிக்கிறார் என்பதை புரிந்து கொண்ட இளைஞர்..

- சார் சும்மா குழப்பாதீங்க, சே-குவேரா பத்திதான் பேச்சு, அவரு செய்த மக்கள் தொண்டு யாராவது செய்தார்கள???

- பல பேரு செய்தாங்க தம்பி, இதோ நம்ம ஊருல, காந்தி, அன்னை தெரேசா, பாபாஆம்தே போன்ற பலர்....அவர்கள்

-சார், சும்மா காந்தி பெயர சொல்லாதீங்க, அநியாயத்திற்கு எதிரா, பசி பட்ட்னிக்கு எதிரா, ஏகாதிபத்தியத்திற்கு எதிரா இவரு என்ன செய்தாரு!

- சரி தம்பி, ஒன்றும் செய்யவில்லை என்றே வைத்துக்கொள்வோம், உங்க சே போன்ற புரட்சியாளர்கள் என்ன செய்தாங்க??

- அது வந்து, பல நன்மைகளை செய்தாங்க.............நாட்டில புரட்சி செய்தாங்க....

- என்ன நன்மைகள் ??

- அது வந்து...அது வந்து.....ஏகாதிபதியத்திற்கு எதிராக குரல் கொடுத்தார்.......

- சரி உடுங்க.... அந்த புரட்சியாள என்ன நன்மைகள்???

- அதுவந்து, அமெரிக்க முதாலாளித்துவ அநீதிகள் குறைந்தன.....

- எந்த மாதிரி அநீதிகள்?

- அத்து வந்து.... அமெரிக்க ஏகாதிபத்தியம் மக்களின் நிலங்களை பிடிங்கிக்கொண்ட ராணுவ கும்பல்களை கைக்கூலியாக்கி, ஏழை மக்களை அடிமை படுத்தியது!

- அடிமையா??எந்த நாட்டில?

- வரலாறு படியுங்க சார், அதெல்லாம் புரியும்.........எங்களுக்கு நடக்கும் அநியாங்களை தட்டிக்கேட்ட ஒருவரை முன்மாதிரியாய் வைத்து எண்களின் உணர்ச்சிகளை சொல்ல வேண்டும்......சே-குவேரா அதற்க்கு ஒரு நல்ல Icon! அவ்வளவுதான்!!!

- சரி, நல்லது. ஆனால் பாருங்க தம்பி, நீங்க வரலாறு படிக்கலை என்று சொன்னீங்க, அப்புறம் என்னை வரலாறு படி என்று சொன்னீங்க. அதையும் விடுங்க! Icon ஆக மட்டும் ஒருவரை நீங்கள் வைத்து அவரு மக்களுக்கு உண்மையாக ஒன்றுமே செய்யவில்லை என்று தெரியவந்தால் என்ன செய்வீங்க?

- அது எப்படி சொல்லுறீங்க, அதான் வரலாறு சொல்லுதே, அவரு செய்த புரட்சிகளைப்பற்றி! அவர் ஒரு உதாரண புரட்சியாளர் என்று உலகமே ஏற்றுக்கொண்ட பின்னர், நீங்கள் சொல்வது எம்மாத்திரம்!

- உலகமே ஏற்றுக்கொண்டது என்றால் என்ன அர்த்தம் தம்பி? நீங்கள் சொன்னவரைப்பற்றி, அவர் செய்த அடாவடிகளைப்பற்றி, அவர் செய்த உபயோகம் இலா வேலைகளைப்பற்றி , அதன் மூலம் நாசமான பலரைப்பற்றி மிக விரைவாய் பலரால் எழுதப்படிருக்கே??? மேலும் உலகம் என்பது எல்லோரையும் சேர்த்துதானே! நீங்க சொல்லுராமாதிரி இருந்தால், சே வை ஏன் "எல்லோரும்" ஏற்றுக்கொள்ளவில்லை?? அவரை தூக்கி வைத்து ஆடுவது சிறு கூட்டம்தானே!

அதற்க்கு அந்த இளைஞர் - "சார், நீங்க தெரிஞ்சுதானே என்னிடம் விளையாடறீங்க? எதுக்கு சார் இந்த கேள்விகளெல்லாம்??

ஒண்ணும் இல்லை தம்பி. உங்க அப்பாவை நேற்று பார்த்தேன், உங்களுக்கு மதம் மற்றும் கடவுள் நம்பிக்கை சுத்தமாக இல்லை என்று வருத்தப்பட்டார்! அதற்க்கு நான், இதற்க்கு எல்லாம் ஏன் கவலை படுகிறீர்கள், சாமி நம்பிக்கை இல்லை என்றால் ஒன்றும் குற்றம் இல்லை, பையன் ஒழுக்கமாக இருந்தால் அது போதும் என்றேன்! அதற்க்கு உன் தந்தை, எனக்கும் புரியுது இருந்தாலும் நாங்க தீவிர சைவ பாரம்பரியம் உள்ளவங்க, அதுல இந்த மாதிரி என்பையன் ஆகிவிட்டானே என்றுதான் வருத்தம் என்றார்! அதற்க்கு நானும், சரி நான் உங்கள் மகனுடன் பேசுகிறேன் என்றேன்,அதான் உன்னிடும் கொஞ்சம் பரிமாற்றங்கள்!

-சார், அதுக்கு என்னிடம் நேரடியாகவே வாதிட்டு, என் கருத்துகளை அறிந்து, என் நிலை சரியா என்று புரிந்து கொண்டிறுக்கலாமே?

- அதைதான் தம்பி நான் இப்போழுதுசெய்தேன், என்ன, வேறு மாதிரி செய்தேன். நன்றாக தெளிவடைந்தேன்!

- என்ன சார், என் திடமான நம்பிக்கையினால், நான் என்றும் கடவுள், மதம் போன்றவற்றில் இறங்க மாட்டேன் என்று உங்களுக்கு புரிந்ததா?

- நல்லா புரிந்தது தம்பி. நேரத்திற்கு ரொம்ப நன்றி

- சற்று பெருமிதத்துடன் கூறினான் "அப்போ எங்க அப்பாவிடம் எப்போ வந்து பேசப்போறீங்க. வேற ஒண்ணும் இல்லை, அவரு நீங்க சொல்லுவதை கேட்டு மேலும் வருத்தப்படாருன்னா, நானும் சில பாய்ன்ட்களை அவருக்கு சொல்லுவேன்!"

- அதுக்கு அவசியமே இல்லை தம்பி, உங்க அப்பா நிம்மதி மட்டுமே அடைவாறு, ஏன்னென்றால் நீங்கள் இன்னும் சில நாட்களில் ஒரு சிறந்த மதப்பற்றாளர், மற்றும் கடவுள் நம்பிக்கையாளராக ஆகப்போவது உறுதி என்பதைத்தானே அவரிடம் கூறப்போகிறேன்!

புரியாமல் முழித்த அவனிடம், "உங்க அப்பா, அம்மா மற்றும் குடும்பம் சைவம், நான் வைணவம், அதே மாதிரிதான் நீங்க மார்க்ஸ்யம். உங்க அப்பாவுக்கு சிவ பெருமான் மற்றும் நாயன்மார்கள், எனக்கு விஷ்ணு மற்றும் ஆழ்வார்கள், உங்களுக்கு மார்க்ஸ் மற்றும் ஸ்டாலின் , மாவோ, சே குவேரா போன்றவர்கள்!" நாங்களும் கண்ணை மூடி பலதை நம்புறோம், எங்களுக்கு அவைகள் தெய்வீகம் என்று படுவதால், நீங்களும் அதேமாதிரி கண்ணைமூடி பலதை நம்புகிறீர்கள்! அப்படி இருக்கும் பொழுது, ஹிந்து மதம் அல்லது (மற்ற கம்யூனிச மதம் அல்லாது) மற்ற மதங்களை மற்றும் அதன் கடவுளார்களை நீங்கள் இப்போதைக்கு நம்பாவிட்டாலும், அதை போல செய்யகூடிய அடித்தளம் உங்களுக்குள் இருப்பதால், எப்போ வேண்டுமானாலும் நீங்கள் மதம் மாறலாம்"என்று சொல்லி நகர்கிறார்!


***---***

இதை நான் ஏன் சொல்லுகிறேன் என்றால், சே-குவேரா, ஸ்டாலின், மாவோ, காஸ்ட்ரோ போன்றவர்களை வழிகாட்டிகளாக பாவித்து அவர்கள்தான் எல்லாம் என்று நம்புபவர்கள், அவர்கள் செய்த கொடுமைகளை புரட்சி என்று பெயரிட்டு துதி பாடுபவர்கள், தங்களுக்கு கடவுள் நம்பிக்கை இல்லை என்று சொல்லிக்கொள்ள தகுதி அற்றவர்கள் என்பதை பலர் இன்னும் புரிந்து கொள்ளாததால்தான்!

கண்டபடி திட்டுவது நிறுத்தப்படவேண்டும்! அது யாராக இருந்தாலும்!!

துஷ்டனை கண்டால் என் செய்யலாம் என்று பல நினைத்து
கணினி ஒன்றை கைதனில் கொடுத்து
காழ்புணர்ச்சிதனை கலவை இலாமல் திணித்து
காட்டுக்கூச்சல் கக்கிப்போடலாம்; பல காவடி தூக்கிகள் கைதட்டி போவார்கள்

தான் செய்தால் சூரா சம்ஹாரமாம் , மாற்றான் செய்தால் மானப்பங்கமாம்
வெறியுடன் உருமுவாராம் தான் நினைத்த நிலையில் இல்லாமல் போன நிகழ்வுகளுக்கு
வலியென உணர்ந்து வாங்கிய வசவை வேண்டியவை இல்லையன
வம்பில்லாமல் சொன்னாலும், வந்தது விடம்தான் நான் சொல்வதால்
வடிகட்டு இல்லை நடையை கட்டென காரி உமிழும் கலைக்கு
கொடுக்கும் பெயர்கள் பல, அதை புரட்சி என்பார் சிலர்

உருவமிலா ஓரழுக்கு ஒளிந்து தாக்குகிறது, உண்மைதான் அது வன்மம்தான், மறுப்பதற்கில்லை
உருவத்துடன் பல அழுக்கு உணர்ந்தே தாக்குதே, வன்மம்தானே அது உண்மைதானே, புரட்சிகள் ஏனோ அதை எதிர்ப்பதில்லையே

கரிநீர் மொண்டு , காய்ந்த எச்சத்தையும் கொண்டு
மாற்றானை அடிப்பது எங்கள் வழி அதை வாங்குவது உங்கள் விதி
தப்பென்னவோ அதில் என்று தவில் அடிக்கும் இவர்களின் தர்க்கம்
பாசிசத்தில் முத்தெடுத்த வன்முறையாளனின் குரூர மார்க்கம்

நாகரீகம் நாராசமாக போனதுபார், நாதாரி எல்லாம் நச்சை என் மேல் பூசுதுபார்
நொந்துபோய் சொன்னாராம் நாசக்காரர்களின் நல்ல நண்பர்

நாசத்தின் நாதத்தை நாள்தோறும் நடத்தும் நாதியற்ற ஒரு கூட்டம்
நாராசமாக நாலாபக்கமும் நாகொளாமல் நனைத்திட
தானும் வந்து வன்மத்தை கொண்டு நன்று நன்றென நாதம் பாடிட

நட்ட பயிர் நாளிடைவில் நானிருக்கேன் என்றிராதோ
வளர்ந்த கனியும் விடமுடன் வன்மமாக வட்டமிடாதோ

நட்டவன் சொல்வான் நடுவது என்பணியென
வந்தவனும் சொல்வான் சொல்வதும் என் பணியென

சாபமிடும் வலையினில் வக்கணையாக வந்திறங்கி
கோபமுடன் சாபன்தனை முரசாக முழங்கி
செய்யும் இந்த வழிமுறை வழங்காதோ வாரிசு

வந்தவனோ உன்பக்கமில்லை வந்துபார் கோபம்!

சாபமிடல் என் உரிமையென, மாற்றான் செய்தால் அது கொடுமையென!!

------------

அநாகரீகமான தனிநபர் தாக்குதல்கள் மிகத்தவறு!கண்டபடி திட்டுவது நிறுத்தப்படவேண்டும்!

எல்லோருக்கும் அது பொருந்தவேண்டும்!! அது யாராக இருந்தாலும்!!

அறிவியல் மற்றும் விஞ்ஞானிகள்

அறிவியல் மற்றும் விஞ்ஞானிகள் பற்றிய ஒரு அருமையான தமிழ் பதிவு - http://jayabarathan.wordpress.com/

எல்லோரும் படிக்கவேண்டிய பதிவு இது!

திரு ஜெயபாரதன் அவர்களின் முயற்ச்சிக்கு வாழ்த்துகள்!

கவிஞர் ஒசிப்பு மாண்டல்ஸ்டாமும் ஸ்டாலினின் கருத்து சுதந்திரமும்

இவர்கள் செய்ய நினைக்கும் புரட்சி தேசத்தில், மாற்று கருத்துள்ளவர்களுக்கு என்ன நடக்கும் என்பது மாவோவை மற்றும் சோவியத் ரஷ்ய "கருத்து சுதந்திரத்தை" பார்த்தாலே தெரியும்!!!!

கொல்லப்பட்டவர்கள் ஏராளம், நாசமக்கப்பட்ட்வர்கள் ஏராளம்!!!

இவர்களின் எழுத்துக்கள் தமிழ்மண விருதகள் வாங்கிவிட்டனவாம்! வாழ்த்துகள் சொன்னதோடு, இதே மாதிரி கருத்து சுதந்திர பரிசுகளை அவர்கள் ஆட்சி அமைத்தால் மற்றவர்களுக்கு தருவார்களா என்ற கேள்வியையும் கேட்டு, அப்படி சுதந்திரம் இருக்கு என்று நினைத்து சிறு கவிதை ஒன்று எழுதிய மாபெரும் ரஷ்ய கவிஞனான Osip Mandelstam ற்கு ஸ்டாலினால் நேர்ந்த கதியை சுட்டிக்காட்டினேன்!

பின்னூட்டம் அழிக்கப்பட்டது!

மண்டல்ஸ்டாமின் கவிதையை மொழி பெயர்த்து அவருக்கு நடந்த்தைப்பற்றியும் கீழே எழுதி இருக்கிறேன்! படியுங்கள்!


அன்பான நண்பர் திரு வினவு மற்றும் நண்பர்கள்,

வணக்கம் சார். வாழ்த்துகள்.

என்ன ஒன்று, இந்த மாதிரி ஓட்டுப்பொறுக்கி, ஏகாதிபத்திய சுரண்டல் சமூகங்கள் உங்களைப்போன்றவர்களுக்கும் அங்கீகாரம் வழங்குகிறது (இந்த தமிழ் மணத்தில் போட்டி போட்டு ஒட்டு குத்துவது யார் என்றெல்லாம் நீங்கள் ஆராயமாட்டீர்கள், ஏனென்றால் இப்போதைக்கு உங்களின் காழ்ப்புணர்ச்சி பொய்களை சொல்லல வடிகாலாக இருக்கும்ப்படியால்), atleast அங்கீகாரம் வழங்குவதாக சொல்லிக்கொள்ள ஒரு சந்தர்ப்பத்தையாவது கொடுக்கிறது!

ஆனால் பாருங்க. நீங்கள் ரசிக்கும், துதிக்கும், ஆக்கத்துடிக்கும் சோவியத் அல்லது மாவோ அல்லது ஸ்டாலினிய சமூகத்தில் இதைப்போல எதையும் செய்யமுடியாது சார்! இதையும் புரியாமல், சில முற்போக்கு முத்திரை வாங்கத்துடிக்கும் நண்பர்கள் (வெகு சிலரே என்றாலும்) நீங்கள் எழுதித்தள்ளும் திரிபுகளை நன்று என்று தலையை ஆட்டி கையை தட்டி அருமை என்று இடுகிறார்கள்! இந்த மாதிரி கும்பல்களை ஆங்கிலத்தில் usefull idiots என்பார்கள்! அதாவது உபயோகப்படுத்தியபின் தூக்கிஎரியப்படவேண்டியவர்கள்!

இது அவர்களுக்கு புரியாது! கும்பலோட கூத்துக்குப்போனோம், காரணமில்லாம கரவொலி எழுப்பினோம், கட்டைய காட்டினதும் கத்திக்கொண்டே வீட்டுக்கு வந்திட்டோம் என்று என்று சும்மா ஜல்லி அடித்துக்கொண்டிருக்கிறார்கள்! இவர்களுக்கு சரித்திரம் தெரியாது!

சோவியட்டுகள் இந்த மாதிரி இரண்டாங்கெட்டான் கூட்டங்களை, வேலை முடிந்தபின் அடித்து துரத்தி எஞ்சியவர்களை கூண்டோடு குலாகுக்கு அனுப்பி, முடியாதவர்களை மொத்தமாக போட்டுத்தள்ளினார்கள்!

ஒரு நாட்டையே சுமார் நூறு வருடம் பின்னுக்கு இட்டுச்சென்று, செல்வத்தையெல்லாம் அழித்து, வேறு யாவரும் ஆட்சி செய்யமுடியாமல் தானே அனுபவித்து, அதையும் புரட்ச்சி என்று பெயரிட்டு அம்மக்களை ஏமாற்றிய, ஏமாற்றிக்கொண்டிருக்கும் பிடேல் காஸ்ட்ரோ என்ற ஒன்றுக்கும் உதவாத கொடுங்கோல் சர்வாதிகாரி இவர்களுக்கு "முற்போக்கு தலைவர்"!

இதைவிட காமடி, மக்கள் முன்னேற்றத்திற்கு சிறிதளவும் உதவாத, மக்களின் எதிர்க்காலத்தைப்பற்றி சிறிதளவும் தொலைநோக்கில்லாத, மானிட முன்னேற்றத்திற்கான எந்த ஒரு சிறிய படிகளையும் காட்டியிராத சே குவேரா என்ற ஒரு அழிவுப்போராளி ஒரு மாபெரும் தலைவன்!

சுற்றியிருப்பவர் தங்களை வித்தியாசமானவர்கள் என்று பார்க்கவேண்டும், நான் சராசரியைவிட மேலானவன் என்று சுற்றியிருப்பவர் மெச்சவேண்டும், அய்யோ நான் எதையாவது செய்யவேண்டுமே என்ற அரிப்பு நீங்கவேண்டும், என் வார்த்தைகள் பலமானவை நான் இந்த ஒரு சிறு வட்டத்திற்குள் சிக்காதவன், முர்போக்கானவன், மேலும் அதை என்ன என்பதை புரியாமல், விளக்கமுடியாமல், பார்த்தவரையில் இதுபோல பேசும் சிலருடன் சேர்ந்து நானும் பார் இந்த மாதிரிதான் என்று சொல்ல விழைபவன் என்பது போன்ற பல அரைகுறை மற்றும் உண்மையாகவே நல்ல எண்ணம் கொண்ட பலருக்கு நிற்க கிடைத்த புள்ளிதான் இந்த பிடேல் காஸ்ட்ரோ மற்றும் செ குவேரா ரசிகர் மன்றம்!

பொருளியல், ஆய்வுக்குட்படுத்த, சார்பற்ற வரலாறு, சம கால விஞ்ஞானம், விரிவான படித்தலரிவு மற்றும் பலவற்றை இவர்களெல்லாம் கூர்ந்து நோக்காதவர்கள், அல்லது அறியாதவர்கள்! கிடைத்த அரைகுறை செய்திகளையும், புரிதல்களையும் வைத்துக்கொண்டு, நான் வித்தியாசமானவன் என்று உலகிற்கு காட்ட விழைபவர்கள் மட்டுமே!

சொல்ல வருவது என்னவென்றால், இவர்கள்தான் நீங்கள் மற்றும் உங்களுக்காக ஜல்லியடிக்கும் சிலரும்!!!

சரி சரி, தெரிந்த விடயத்திற்கு எதற்கு இவ்வளவு விளக்கம்! முக்கியமான விடயத்திற்கு வருவோம்!


Our lives no longer feel ground under them.
At ten paces you can’t hear our words.

But whenever there’s a snatch of talk
it turns to the Kremlin mountaineer,

the ten thick worms his fingers,
his words like measures of weight,

the huge laughing cockroaches on his top lip,
the glitter of his boot-rims.

Ringed with a scum of chicken-necked bosses
he toys with the tributes of half-men.

One whistles, another meows, a third snivels.
He pokes out his finger and he alone goes boom.

He forges decrees in a line like horseshoes,
One for the groin, one the forehead, temple, eye.

He rolls the executions on his tongue like berries.
He wishes he could hug them like big friends from home.

மேலே உள்ளது "epigram " எனப்படும் வகையை சார்ந்தது! ரஷ்ய மொழியில் எழுதப்பட்டதின் ஆங்கில மொழிபெயர்ப்பு இது!

இதை எழுதியவர் ஓசிப் மான்டேல் ஸ்டாம் (Osip Mandelstam) எனும் ரஷ்ய (உக்ரானிய) கவிஞர்! உன்னிப்பாக படித்துப்பார்த்தால் இது யாரைப்பற்றி எழுதப்பட்டது, என்பது புரியும் !

இதை எழுதிய ஓசிப் மண்டேல்ஸ்டாம் ஸ்டாலினால் குலாகில் அடைக்கப்பட்டு, காரணமேதும் சொல்லப்படாமல் மாண்டதாக அறிவித்தார்கள்!

அதாவது கொல்லபட்டார்! இவர் ஒரு பெரும் கவிஞர்! உண்மையை பேசக்கூடியவர்! ஆதலால் ஸ்டாலினால் கொல்லப்பட்டார்!

ஸ்டாலின் நடத்திய "ஜனநாயக" ஆட்ச்சியில் இருந்த கருத்து சுதந்திரம் அவ்வளவு பெரியது!!!! இப்பொழுது நண்பர் திரு வினவு எழுதுவதுபோல யாராவது எழுதினால் அவர்களின் கதி அதோகதிதான்! அட அவ்வளவு காரம் எதற்கு, மேலே மண்டேல்ஸ்டாம் எழுதியதுபோல பட்டும் படாமலும் கிண்டல் செய்தாலே போதும், சாவு நிச்சியம்! அதுதான் நம்ம உண்மையான கம்யூனிஸ்ட்களின், மன்னிக்கவும், ஸ்டாலினிஸ்ட் மற்றும் மாவோச்டுகளின் ஜனநாயகம்!!

பிடேல் காஸ்ட்ரோ செய்ததும் இதுதான், மற்ற எல்லா கம்முனிஸ்டு சர்வாதிகாரிகள் செய்ததும் இதுதான்! என்ன சே குவேரா தனி சர்வாதிகார ஆட்சிக்கு வர முடியவில்லை (அதற்க்கு பிடேல் காஸ்ட்ரோ இடம் கொடுக்க முன்வராததால், தனக்கென்று ஒரு அடிமை குட்டம் மற்றும் தேசத்தை தேட சென்றுவிட்டார்) முடிந்திருந்தால், அவரும் இதே போல ஜனநாயக, பேச்சு மற்றும் எழுத்துரிமை கொண்ட ஒரு சமூகத்தைதான் ஒரு வாக்கியிருப்பார்!

ஒரு பேச்சு வைத்துக்கொள்வோம், அதாவது, திரு வினவு இந்த நாட்டின் தலைவராகிறார் என்று (தயவு செய்து சிரிக்காதீங்க, ஒரு பேச்சுக்குதான் சொன்னேன், தாமாஷா இருந்தாலும் பொறுத்துக்கொண்டு மேலே படிக்கவும்). அவர் எந்த முறையான அரசாங்கத்தை மற்றும் சமூகத்தை அமைக்க விழைவார் என்று நினைக்குறீர்கள் ??? அதற்க்கு பதில், அதே ஜனநாயகமிலாத, கொடுங்கோல் சர்வாதிகார ஆட்சியைதான்!!!!!

இதை புரிந்து கொள்ளாத, அல்லது புரிந்து கொள்ள இயலாத ஜல்லிகள் எல்லாம், டமாரம் அடிக்கிறார்கள்!!!

சோவியத் அரசாங்கம், ஸ்டாலினிச அரசாங்க முறை, மாவோவிச முறை, மற்றும் எல்லா கம்முனிச அரசாங்கங்களும் கொன்றது ஒரு ஓசிப் மாடல்ஸ்டாமை மட்டும் இல்லை, இவரைப்போன்ற பல ஆயிரம் மக்களை! அவர்தம் உணர்ந்து சொன்ன உண்மைகளை!

இந்த வரலாறு ஆதாரங்களுடன் எழுதப்பட்டு, பல நூறு பெயர்களால் ஆராயப்பட்டு, உண்மையே என்றும் நிறுவப்பட்டு, இதன் காரணமாக, இந்த சோவியத் முறையே ஒரு பொய்களால் கட்டப்பாட்ட ஒரு மண் மண்டபம் என்று உணரப்பட்டு, உலகெங்கிலும் காரி துப்பலுக்கு உள்ளாக்கப்பட்டு விட்டன! நேபாளம், மற்றும் இந்தியாவில்தான் இந்த காமடியன்களுக்கு படங்களைக்காட்ட அரங்குகள் சில இன்று மட்டும் இருந்து வருகின்றது! அதுவும் இன்னும் சில வருடங்களில் வியாபாரம் இல்லாததால் இழுத்து மூடப்படும் என்பது திண்ணம்!

சரி, மேல உள்ள கவிதை, அதாவது மான்டேல் ஸ்டாமை கொன்ற கவிதை அப்படி என்னதான் சொல்கிறது!

ஏதோ எனக்கு தெரிந்த தமிழில் உங்களுக்காக மொழி பெயர்க்கிறேன்!

*------*

எங்கள் வாழ்க்கையின் அஸ்திவாரம் அமுங்கிவிட்டது
பத்தடி போனால் வரும் கால்சத்தமும் அடங்கிவிட்டது

கிடைக்கும் சிறிது நேரத்தில் வரும் பேச்சு
கிரம்லினில் வாழும் அந்த மலை ஏறியைப்பற்றியே ஆச்சு

புழுக்கள் பத்து அவனின் விரல்களாம்
அமுக்கும் பளுதான் அவனின் வார்த்தைகளாம்

பல் இளிக்கும் கரப்ப்பான்பூச்சிகள் போல அவன் மேல் உதடுகளிருக்க
அணிந்த காலணிகளில் வெளிச்சம் தெறிக்க

கோழிகளைப்போல சில சகதித்தலைவர்கள் சுற்றிவர
அசைப்போட்டானாம் இந்த அரைமனிதர்களின் ஆராதனையைப்பார்த்து

ஒன்று ஆர்ப்பரித்த்தாம், ஒன்று கொஞ்சிப்பார்த்ததாம், ஒன்று முக்கி முனகியதாம்
விரல்காட்டிய அவனோ நான் மட்டுமே பேசலாம் என்றானாம்

கட்டளைகள் கட்டவிழ்ந்தன கட்டியடித்த லாடம் போல
கவட்டில் ஒன்று நெற்றியில் ஒன்று கண்களுக்கும் ஒன்றென

மரணதண்டனைகள் உருட்டப்பட்டன சின்ன பழங்களை வாயினுள் தள்ளுவதுபோல
அதை இழுத்தனைக்கவும் விரும்பினான் நன்கறிந்த நண்பர்களைப்போல

*------*

இந்த ஒரு பதினாறு வரிகளை தாங்க முடியாது அதற்காக ஒருவரை கொல்ல சிறிதளவும் சலனப்படாதவர்கள் இந்த சிவப்பு மாவீரர்கள்!

சோவியத் கம்யூனிசமும், ஸ்டாலினிசமும், மாவோவிசமும், மற்றும் நீங்கள் கொண்டாடும் ஏனைய நிசங்களும் இதைப்போல ஆயிரக்கணக்கானவர்களை பலி பீடத்திற்கு அனுப்பியுள்ளீர்கள்!!!

வாயைத்திறந்தால் வாட்டிவதைப்பு , கருத்தைச்சொன்னால் கட்டிவைத்து காட்டடி, உண்மையைப்பேசினால் உண்டுஇல்லை என உபசரிப்பு, அப்படியும் வாயைத்திறந்தால், கொடுத்தீர்களே நல்ல வாய்க்கரிசி, அதுவும் பல ஆயிரம்பெர்களுக்கு!

இப்பேற்பட்ட ஒரு அரசியல் மற்றும் சமூக நாகரீகத்தை தொடங்கி, பல கோடி உயிர்களை பலி வாங்கி, வலிதாங்காமல் மக்கள் விழித்தெழுந்து , நீங்கள் வைத்த சிலைகளை, புரட்டு கதைகளை உடைத்து நொறுக்கி, உங்களை எல்லாம் ஓட ஓட விரட்டி, இப்பொழுது அதே சமூகம் உங்களுக்கு கொடுத்த, நீங்கள் அவர்களுக்கு தராத உண்மையான ஜநாயக உரிமையை பயன்படுத்தி, அதே சமூகத்தை தூற்றி, பொய் மேல் பொய் எழுதி, கிடைத்தது பார் எங்களுக்கு அங்கீகாரம், விரிவடயுதுபார் எங்கள் அதிகாரம் என்று கட்டம் கட்டி ஆடுவது, கபடத்திலேயும் உச்ச கபடம், தமாஷிலும் உச்ச தமாஷ், நாணயமின்மையிலும் உச்ச நாணயமின்மை!

நன்றி

தாத்தா பேரன் கதை

நோக்கியா மற்றும் பல கம்பனிகள் நம்நாட்டில் வந்து நம்மையே அடிமையாக நடத்துகிறார்களாம்! புரட்சியாளர்களின் one more கண்டுபிடிப்பு!
நம்ம புரட்சியாளர்கள் அங்கே வேலை செய்து இதை எல்லாம் கண்டு பிடித்தார்களா என்பது தெரியாது! என்ன, கண்டு பிடிச்சா எழுதுறோம், ஏதோ இன்னைய கணக்குக்கு நாலு பெயரை திட்டி ஒரு பதிவு போட்டால் ஒரு புரட்சி செய்தாச்சு என்ற கணக்குதானே? அதையும் கட்டுரை வடிவில் இல்லாமல் ஒரு கதை வடிவில் ஒரு புரட்சியாளர் போட்டார்!

நானும் அந்த கதையை கொஞ்சம் மாற்றி, அனால் அந்த கதையின் நடை மாறாமல், கரு மாறாமல், வேறு மாதிரி இட்டேன்!

ஆதலால், வினாவில் அதை நீங்கள் படித்து இதை படித்தால் நன்றாக புரியும்!


எதிரி
----------

தெருவோரம் நின்றிருந்த ஒரு சீன மனிதரின் படம்போட்ட கொடியினைக்கொண்ட கும்பலை பார்த்துவிட்டு பேரன் கேட்டான்

இது எதுக்கு தாத்தா?

புரட்சி செய்ய.

புரட்சி என்றால்?

சீன மற்றும் சோவியத் தலைவர்கள் தங்கள் நட்டு மக்களை கொன்றது போதாதுன்னு
நம்ம நாட்டையும் பிடித்து நாசமாக்குவது

புரட்சி செய்து என்ன பண்ணுவாங்க?

பேரனின் கேள்விகள் விரிவடைய ஊன்றிக்கொள்ள வார்த்தைகளை தேடினார் தாத்தாஎன்ன பண்ணுவாங்கன்னா…

அதாவது.. நம்ம ஊரை புடிச்சிகிட்டு நம்பளையே அடிமையாக்கி ஊம்… சொன்னதை செய்யுன்னு மிரட்டுவாங்க..

பயமுறுத்திய தனது பாவனைகளைப் பார்த்து பேரனின் கேள்விகள் முடிந்துவிடும் என எதிர்பார்த்தார் தாத்தா.

ஆராய்ச்சிப் பார்வையுடன் அடுத்து கேட்டான் பேரன்,

அப்படீன்னா…

”எங்கிருந்தோ வந்து நம்ம ஊரையே வளைச்சுகிட்டு ஒழுங்கா சீனா அல்லது சோவித் ரஷ்ய செய்தது போல செய்! இல்லன்னா தூக்கிடுவேன்னு!

ஆந்திராவில மற்றும் சடீச்கரில நம்பளையே அடிமையாட்டம் மிரட்டுறான்னு மாமா சொன்னாரே… அவர்களெல்லாம் யாரு தாத்தா....

இவர்கள் புரட்சி அவர்களையெல்லாம் ஒன்றும் செய்யாதா?

பேரன் கேட்டதும்

புரட்சி நடந்தது போல் என்ன செய்வதென்று புரியாமல் தடுமாறிப் போனார் தாத்தா.

தடுமாறுவது தாத்தா மட்டுமா?

துபாய் குட்டிச்சுவராய் போனதாம் முதாளித்துவத்தினால்! - புரட்சிகளின் புதிய கண்டுபிடிப்பு!

அப்படியா சாமி, இந்த புரட்சிகள் குட்டிச்சுவராக்கிய பல ஊர்களைப்பற்றி நான் கொஞ்சம் சொல்லலாம் என்பதற்குதான் இந்த சின்ன கட்டுரை! As usual, இதுவும் திரு வினவால் பின்னூட்டத்திலிருந்து நீக்கப்பட்டது!

சும்கயிட் (அசர்பைஜான்) நகரம் - சுடுகாடாக்கப்பட்ட சோவியத் நகரம்
-------------------------------------------------------------------

துபாய் ஒரு சுடுகாடு என்றால், நம்முடைய்ய சிவப்பு நண்பர்கள், அதாவது ஸ்டாலினிஸ்ட் நண்பர்கள் நாசம் செய்த சும்கயிட் நகரை என்னவென்று சொல்ல்வது என்ற கேள்வியை முன்வைப்பதர்க்கே இந்த எழுத்துகள்!

வாசகர்கள் முதலில் அறிந்து கொள்ள வேண்டிய விடயம், சோவியத் யூனியனால் நாசமாக்கப்பட்ட நகரங்களில் ஒன்றுதான் மேலே சொன்னது! This is just an example of what the communist Stalinist, Maoist red revolutionaries did to their cities and how their dangerous and unworkable ideology wrecked people completely. அதவாது, நம்முடைய ஸ்டாலினிய மாவோவிய சிவப்பு புரட்சியாளர்கள் தங்களின் வேலைக்கு ஆகாத மேலும் ஆபத்தான சித்தந்தங்களினால் எப்படி பல நகரங்களை நாசமாக்கினார்கள் என்பதற்கு ஒரு சிறு உதாரணம் மட்டுமே இது.

முதலில் எல்லோரும் அறியப்பட வேண்டிய விடயம், சிவப்பு புரட்சியாளர்கள் தங்கள் முரட்டுத்தனமான சக்தியை அட்டாவடி ஆதிக்கத்தைமட்டும் வைத்தே தங்கள் ஆளும் பிரதேசங்களில் யார் எதை உற்பத்தி செய்ய வேண்டும் என்று முடிவெடுத்தார்கள்! அங்கே உள்ள மக்களின் நிலைமை, அவர்கள் பாரம்பரியம், சுற்றுப்புற சூழல் நீர் வளம் என்று எதைப்பற்றியும் கவலைப்படாமல் கண்டபடி அவர்கள் செய்ததின் விளைவுதான் சும்கயிய்ட்! இது ஒரு சின்ன உதாரணம் மட்டுமே!

ஏறல் கடல் என்று அழைக்கப்பட்ட உலகின் மிகப்பெரிய உள்நாட்டு தண்ணீர் ஏரியை ஏறக்குறைய முற்றிலுமாக கொன்றது இவர்களின் அராஜகம்தான்! இதைப்பற்றி பின்னர் விரிவாக எழுதிகிறேன்! முதலில் சும்கயிட்டைப்பற்றி பார்ப்போம்!

இன்று அசர்பைஜானின் நரகம் என்று அழைக்கப்படும் இந்த நகரம், சோவியத் யூனியனின் சாதனை நகரம் என்று பொய்யாக உலகெங்கும் பரப்பப்பட்டது! இப்பொழுதும் இங்கே பிறக்கும் குழைந்தைகளின் நிலைமை, ஒரே வார்த்தையில் சொல்லவேண்டும் என்றால், "கொடுமை"!!!!

இது உங்கள் மனதில் பதிவதர்க்குமுன் ஒன்றை எல்லோரும் புரிந்து கொள்ள வேண்டும்! அராஜக சோவியத் முறையில், ஒன்றை முடிவெடுத்துவிட்டால், எதைப்பற்றியும் கவலைக்கொள்ள மாட்டார்கள்! இரசாயனத்துரையில் தொழிற்ச்சாலைகள் வேண்டுமென்றால், எந்த ஒரு விதிமுறை பற்றியோ, மக்களின் நிலமைபற்றியோ கவலைப்படாமல் பிற்கால சுகாதார நிலைமை பற்றி தொலைநோக்குடன் கவலைப்படாமல், அப்படி யாரவது எதிர்த்து பேசினால் அவர்களை சிறையில் அடைத்து அல்லது புரட்சியின் எதிரி என்று முத்திரை குத்தி ஒழித்து கட்டி தங்கள் நினைப்பதை சாதிப்பார்கள்!

அதுவும் சாதிப்பார்களா என்றால் அதுவும் இல்லை! அரைகுறையான வழிமுறைகள், முதிர்ச்சிபெராத மற்றும் அறிவியலில் பின்தங்கிய ப்ராசெஸ் முறைகள் போன்றவைக்கு
பெயர் பெற்றது சோவியத் யூனியன்! அதாவது அணுகுண்டு மற்றும் கனரக போர்த்தளவாடங்களை தவிர்த்து ஏனைய எல்லா துறைகளிலும் மிக பின் தங்கியே இருந்தார்கள்! அதும் அராஜக சோவியத் முறையில் யாராவது ஒன்றைப்பற்றி எதிர்த்து பேசி, வேறு மாதிரி செய்யலாம் என்று சொல்லிவிட்டால் போச்சு! அவரின் கதி அதோ கதிதான்! இதனாலேயே அவர்களின் industrial process மிக பின்தங்கியே இருந்தது! ஒரு அணு குண்டையோ அல்லது தளவாடங்கலையோ உற்பத்தி செய்தல் மட்டும் போதாது, அதன் வழி முறைகள் மிக சிக்கனமாக, சுகாதாரமாக, மக்களையும் சுற்று சூழலையும் கெடாமல் இருக்குமாறு செய்யவேண்டும்!

அனால் சோவியத் முறை, அதாவது கம்யூனிஸ்ட் முறை என்பது ஒரு கட்டுக்கடங்காத சர்வாதிகார செயல் திட்டம் மட்டுமே!

It is indeed a mindless autocratic bulldozer doesnt worry about consequences in terms of human cost even after completing the task. Being a system which goes against basic human nature, இவர்கள் தொட்ட எந்த ஒரு செயலாக்கமும் தொலைனுக்கிலா திட்டங்களாகவும் கொஞ்ச காலத்தில் முறியும் நடவடிக்கைகளாகவும் இருந்தன! இவர்களின் நாடுகள் இடிந்து விழிந்து என்று சுக்கு நூறாக போனதைவிட சான்றுகள் இதற்க்கு வேறு எதற்கு! இந்த அடிப்படை உண்மையைக்கூட ஏற்க்க முடியாத நம்ம புரட்சி நண்பர்கள் உளறுவது நகைச்சுவையிலும் நகைச்சுவை!

1939 இல் சுமார் 10,000 மட்டுமே இருந்த ஒரு சிறு ஊரில் கண்டபடி இரசாயன தொழிற்ச்சாலைகளை ஏற்ப்படுத்தி கசிவுகளை கொட்டக்கூட சரியாக இடங்களை அமைக்காமல், அங்கே பல லட்ச கணக்கானவர்களை குடிஎரச்செய்து, கசிவுகளை காஸ்பியன் கடலில் கொட்டி ஒரு வழி செய்து விட்டார்கள்!

1991 இல்சோவியத் யூனியன் செத்ததும்தான் இந்த கொடுமைகள் ஒன்றன்பின் ஒன்றாக வெளி வந்தன!

1994's அறிப் இஸ்லாம் ஜாடே எழுதிய ஒரு கட்டுரையின் லின்க்கை உங்களுக்கு தருகிறேன்.
ttp://azer.com/aiweb/categories/magazine/23_folder/23_articles/23_sumgayit.html

மேலும் படிக்கவேண்டும் என்றால் கூகிளில் சென்று sumgayit என்று டைப் செய்யுங்கள்! இவர்கள் செய்த அட்டுழியம் எல்லாம் வந்து விழும்!
ww.time.com/time/specials/2007/article/0,28804,1661031_1661028_1661024,00.html

மறுபடியும் சொல்லுகின்றேன், இது just a sample! இவர்கள் சுடுகாடாக்கிய நகரங்கள் ஏராளம்! நகரங்கள் மட்டுமா??? காடுகள், மலைகள்........கடல்கள்!!!!!!!!!!!!

இப்பேர்ப்பட்ட கொடுமைகளை செய்த ஒரு கும்பலை ஆராதிக்கும் ஒரு கூட்டம் துபாயை பார்த்து சொல்லுகிறது, அது சுடுகாடாம்!!!

சிவப்பு நண்பர்கள் அவர்கள் எழுதிய இதைப்போன்ற பொய் குப்பைகளை படிப்பவர் எல்லோரும் ஒன்றும் தெரியாத குருடர்கள் என்று நினைத்துவிட்டார்கள் போலும்! என்ன செய்வது, வேலை ஏதாவது ஒன்று வேண்டுமே!!!!

நன்றி

புரட்சியாளர்களின் சினிமா விமர்சனம்

சினிமா விமர்சனத்தில் இறங்கியிருக்கும் அன்பான நண்பர் திரு வினவு மற்றும் பல நண்பர்களுக்கு,

எப்படியும் நான் எழுதியதை நீங்கள் வேண்டாததன்று என்று ஒதுக்கி விடுவீர்கள் என்று தெரிந்துதான் எழுதுகிறேன்!

இப்படித்தான் டைரக்டர் திரு T ராஜேந்தர் எல்லாவற்றையும் செய்வார். அதாவது, கதை,திரைக்கதை, வசனம், பாடல்கள், இசை, நடிப்பு, இயக்கம் என்று பல. சிறிது காலத்திற்கு பிறகு, இந்த லிஸ்டில் சேர்ந்தது மற்றுமொரு அடையாளம்! Audience!!! அவரின் படங்களுக்கு அதையும் அவர்தான் செய்ய வேண்டியதாக போய்விட்டது! வேற யாரும் சினிமா கொட்டகைக்கு வர மறுத்துவிட்டனர்!!!!

இதை ஏன் நான் சொல்லுகிறேன் என்றால், பல விதமான கதைகளை எழுதி எழுதி, யாரும் படிக்காததால், இப்பொழுது சினிமா பக்கம் வந்து விட்டீர்கள் போல! T ராஜேந்தரின் நிலைமைக்கு வரும் நேரம் ஏறக்குறைய வந்து விட்டது! என்ன அவர் எடுத்த மொக்கைகளில் பலவற்றை அவரே செய்து கடைசியில் அவர் ஒருவரே அதை பார்க்கும் நிலைமைக்கு வந்தார்!

நீங்களும், பல பல கதைகள் விட்டு, அளந்தது போதாது என்று நினைத்து, புதிய துறையான சினிமா விமர்சனத்தில் வந்து இறங்கியிருக்கிறீர்கள்! வாழ்த்துக்கள்!! கூடிய சீக்கிரம் தனி ஆளாய் உங்கள் பிளாகில் ருத்திர தாண்டவமாட வாழ்த்துக்கள்!

எல்லாம் சரி, இவ்வளவு மும்முரமாக சினிமா விமர்சனம் செய்றீங்களே நீங்கள் இந்த சோவியத் சினிமா எதையாவது பார்த்திருக்கீங்களா?

மத்த மொக்கை சோவியத் படம் எல்லாத்தையும் விட்டுடுவோம் சார். Ivan The Terrible படம் பற்றி கொஞ்சம் பேசுவோமா?

அதாவது, இந்த படம் மிக சிறப்பாக இருந்ததாகவும், ஜார் இவான் வேசளிஎவிச்
என்ற Tsar Ivan IV ஐ மிக சரியாக சித்தரித்ததர்க்காகவும், இந்த படத்தின் இயக்குனர்
செர்கே ஐன்ஸ்டீன்னுக்கு ஸ்டாலின் பரிச வழங்கினார் உங்கள் ஆண்டவர்
ஸ்டாலின்!


எப்படி, இந்த பிற்போக்குதனமான (உங்க மொழியில்) கொலைகார மன்னராட்சி செய்த ஒரு ஜனநாயகமே தெரியாத ஒரு கொடுங்கோலன் பற்றிய படத்தில் சற்று பிழையே இல்லாமல் அந்த மன்னனை பற்றி காட்டியதற்காக தரப்பட்டது இந்த பரிசு.

நிற்க

இது ஆட்டோ ஷங்கரை பற்றி ஒருவர் படமெடுக்கும்போழுது அதை தத்ரூபமாக அருமையாக காட்டினார் என்பதைபோன்று இல்லை! ஆட்டோ ஷங்கரை ஒரு நல்ல மனிதாராக, ஞாயத்திற்கு தான் இந்த கொலைகளை செய்தார் என்பதை அருமையாக காட்டியதற்காக கொடுக்கப்பட்ட பரிசுதான் இது!

சொல்லவருவது என்னவென்றால், மன்னராட்சியை முறிப்போம், அதெல்லாம் பிற்போக்கு, அவர்களெல்லாம் மக்களின் ரத்தத்தை குடித்து கொழுத்த ஆதிக்கவாதிகள் மற்றும் அவர்களால் நடந்த ஆட்சியில் பங்குபெற்றவர் எல்லாம் ஒழிக்கப்படவேண்டியவர்கள் என்ற கருத்தை சொல்லியே ஆட்சியை பிடித்த கம்யூனிஸ்ட் புரட்சியாளர்கள், அதிலும் அவர்களின் விடிவெள்ளி ஸ்டாலின், தூக்கி பிடித்ததோ, இந்த இவான் என்ற மன்னனின் சரித்த்ரத்தை!!!!
ஏன் ஸ்டாலின் இந்த படத்தை கொண்டாடினாறேன்றால், இந்த படத்தின் கரு, அதாவது, மற்ற உள்ளநாட்டு சக்திகள் ரஷ்யாவை முறிக்க நினைத்தபொழுது இந்த மன்னன் அதை முறித்து ரஷ்ய சிறப்பை நிலைநாட்டினான் என்று வலியுறுத்தியதால்தான்!

இந்த Tsar Ivan (Ivan the terrible என்றுதான் இவரை அழைப்பார்கள்) எதற்கும் தயங்காத ஆதிக்கவாதி! தன் ஆட்ச்சியை அசைக்க நினைத்த யாரையும் விட்டு வைத்தது இல்லை! ஒரே தண்டனைதான்! சாவு! அதுவும் கூண்டோடு அடித்து கொலை!! போயார்கள் (Boyars) எனப்படும் மன்னராட்சி பிரதிநிதிகள் மற்றும் ஜமீன்களை, தனக்கு வேண்டாதவர்களாக கருதி கும்பல் கும்பலாக போட்டு தள்ளினார்! காரணம் (இது வரலாற்றில் பொறிக்கப்பட்டது) எல்லா ஆதிகாரங்களும் மன்னன் இவானிடம் மட்டும் தங்கிவிட்டால் அது மிக மோசமான சர்வாதிகாரமாக ஆகிவிடும் அன்று இவர்கள் கருதியதால்!

சரி விடயத்திற்கு வரும்!

இந்த மோசமான ஒரு சர்வாதிகாரி, ஸ்டாலினிக்கு நல்லவராம்! அதற்குதான் இந்த படத்தின் இயக்குனருக்கு பரிசு!

அதாவது, கம்யூனிஸ்ட்கள், எல்லோரையும் பிற்போக்கு, மட்டம், அயோக்கியத்தனம் எண்டு விமர்சிப்பார்கள், ஆனால் அவர்கள் இதுபோல ஏதாவது செய்திவிட்டு அதற்க்கு சித்தாந்த ரீதியாக ஒரு நொண்டிசாக்கையும் கொடுப்பார்கள்!

சொல்ல வருவது என்னவென்றால், இவர்களின் விமர்சன நேர்மை, தங்களின் அந்த நேர நோக்கையும் தங்களுக்கு அந்த காலகட்டத்தின் தேவையையும் மட்டுமே கருத்தில் கொண்டதாகும்! இவர்களிடம் எல்லா காலங்களிலும் சமமான மற்றும் நேர்மையான ஒரு பதிலையோ, செயல்திரனையோ, வழிமுரையையோ, பதில்களோ எதிர்ப்பார்க்கவே முடியாதோ!

இது மட்டுமா?

ஸ்டாலினும் அவர்களின் சகாக்களும் போட்டுத்தள்ளிய சினிமா இயக்குனர்கள், கவிஞர்கள் மற்றும் நாடகத்துரையினார்களின் பட்டியல் மிக நீளம்!

இதைப்போல ஒரு சரித்திரத்தை தங்கள் பின்னே வைத்துக்கொண்டு, புரட்சி என்ற பெயரில் தங்கள் முன்னோடிகள் செய்தது தவறு என்று சிறிதும் வருத்தப்படாமல், அதையும் புகழ்ந்து பாடி, பொய் சொல்லி, திரித்து, நங்கள் சொல்லுவதெல்லாம் உண்மை என்று நாடகமாடும் இந்த கூட்டம், இந்த கோவா திரைப்படம் என்ன, ஒரு மொக்கை படத்துக்கும் விமர்சனம் எழுத தகுதியற்றவர்கள்!

சோவியத்கள் ஆட்சி கட்டிலில் ஏறிய பிறகு, இந்த மாதிரிதான் திரைப்படம் எடுக்கவேண்டும் என்று கட்டளை இட்டு விட்டார்கள்! அந்த வழி முறையின் பெயர் Socialist Realism! அதாவது, எடுத்தால் எங்க propaganda தான், இல்லையேல் ஓடு! இங்கே வாய்கிழிய விமர்சனம் பேசும் நண்பர்கள், இவர்களின் சோவியத் மற்றும் மாவோவிஸ்ட் ஆட்ச்சியில் எந்த மாதிரி சுதந்திரமாக படம் எடுக்க முடிந்தது என்பதையும் கூறினால் இவர்களின் நேர்மையை பாராட்டலாம்!

அதை மறந்து, அல்லது மறைத்து, அதோடு நிற்காமல், நாங்கள் செய்ததுதான் சரி என்று கூசாமல் கதை விட்டுக்கொண்டு, இந்த சுதந்திர நாட்டின் சுதந்திரங்களை முழுதாக அனுபவித்துக்கொண்டே அதையும் தூற்றிக்கொண்டிர்க்கும் இவர்களை என்னவென்று சொல்வது!

நல்ல சினிமா விமர்சனம் எழுதராங்காப்பா சாமி!